„კორონომიკა“ - ეკონომიკური პოლიტიკის გამოწვევა

ანოტაცია

კორონავირუსი მსოფლიო ეკონომიკის მასშტაბით თანამედროვე მსოფლიოს მნიშვნელოვანი თავსატეხი და გამოწვევაა;   შესაბამისად, დგება  აუცილებლობა  შეიქმნას  უფრო მოქნილი ეკონომიკური პოლიტიკა, რომელიც მოქნილი იქნება   არაეკონომიკური ტიპის კრიზისული საფრთხეების გადასაჭრელად;  საჭიროა  უფრო სერიოზულად დავფიქრდეთ  არაეკონომიკის წიაღიდან წარმოშობილ პრობლემებზე, თუმცა,  სულ უფრო ვრწმუნდებით, რომ ეკონომიკა და სოციალური სფერო განუყოფელია ერთმანეთისგან.  მსოფლიო მომსწრეა არაერთი პანდემიის, შესაბამისად, თუ გადავხედავთ  მათ შედეგებს,  ვნახავთ, რომ  მეცნერებისა და ტექნოლოგიების განვითარების შედეგად  სულ უფრო მცირდებოოდა  საზოგადოების ცხოვრებაზე მათი  ნეგატიური გავლენა;  დღეს მედიცინა და ეკნომიკური მეცნიერება ერთად აღმოჩნდა ბრძოლაში ამ საერთო მტრის წინაშე, რამდენადაც მათი მიზანი საერთოა-ადამიანთა კეთილდღეობა,  ეს უკანასკნელი კი  უპირველესად ადამიანის  ჯანმრთელობას უკავშირდება და მერე სხვას;  იმედია, ეს მწარე გამოცდილება უფრო  დააფიქრებს  საზოგადოებას იმაზე, რომ ჯანმრთელი საზოგადოება ყველაზე დიდი სიმდიდრეა; პანდემიამ კიდევ ერთხელ დაგვანახა რისკების დივერსიფიკაცია და ამ მიზნით    ეკონომიკის დარგობრივი სტრუქტურის შესაბამისი  ცვლილება;     ეს შეამსუბუქებს საზოგადოების ცხოვრებაზე კრიზისებისა თუ პანდემიების გავლენას.მსოფლიო  ისე, როგორც არასდროს,  დღეს უფრო ერთიანია   საერთო მტრის წინააღმდეგ ბრძოლაში   და  რეცეპტებიც ამ პოლიტიკის შემუშავებისთვის   ძირითადად მსგავსია;      გადახედვას  საჭიროებს საკითხი  ეკონომიკაში  სახელმწიფოს    ჩარევის ზომის, მასშტაბების, ფორმებისა თუ საზღვრების  შესახებ;