„მარტვილობაჲ და მოთმინებაჲ წმიდისა ევსტათი მცხეთელისაჲ“ (ლიტერატურული წყაროები)

ანოტაცია

სტატიაში  მიმოხილულია  ადრექრისტიანულ პერიოდში ქართულად ნათარგმნი ნაწარმოებები, რომლებიც სხვადასხვა დროს სხვადასხვა მეცნიერის მიერ დასახელებულია ჰაგიოგრაფიული თხზულების  „მარტვილობაჲ და მოთმინებაჲ წმიდისა ევსტათი მცხეთელისაჲ“ ლიტერატურულ წყაროდ ანუ, რომლებსაც, სავარაუდოდ, იცნობდა და ეყრდნობოდა მეექვსე საუკუნის უცნობი ავტორი. ესენია: ა. დიდაქე; ბ. ტატიანე სირიელის „დიატესარონი“ გ. თარგუმი;  დ. არისტიდეს „აპოლოგია“;  ე. აპოკრიფი „დაბადებისათვის ცისა და ქუეყანისა და ადამისთვის“; ვ. აგიოგრაფიული თხზულება 40 სებასტიელი მოწამის შესახებ;  ზ. არეოპაგიტული შრომები. წინამდებარე სტატია წარმოადგენს ჩამოთვლილ თხზულებათა რეზიუმეებს და მათ კავშირს ჰაგიოგრაფიულ ძეგლთან.  რადგანაც დასახელებული ძეგლი ორიგინალურია და ერთ-ერთი უძველესი, მისი  ლიტერატურული წყაროების შეჯერება და მათ შესახებ ხელახალი რეფლექსია განსაკუთრებით სასარგებლო იქნება  ქართული კულტურით დაინტერესებულ პირთათვის და სტუდენტებისთვის, რათა მათ გაიაზრონ და შეაფასონ მდიდარი  სამწერლო ტრადიციებისა და მთარგმნელობითი პროცესის არსებობა მე-5-6 საუკუნის ქართულ   ლიტერატურაში, რომელზეც ნათელ წარმოდგენას გვიქმნის ამ ტექსტის, თუნდაც, სავარაუდო ლიტერატურული წყაროების მიმოხილვა.