ზოგიერთი საკვებად და სამკურნალო თვალსაზრისით გამოყენებული დადიანისეული მცენარე ზუგდიდის ბოტანიკურ ბაღში

ანოტაცია

ნაშრომი ეხება,ზუგდიდის ბოტანიკურ  ბაღში ზოგიერთ საკვებად და სამკურნალო თვალსაზრისით გამოყენებულ ისეთ დადიანისეულ  მცენარეებს როგორიცაა: 1. ბროწეული-Punica granatum, 2 კაკალი, ნიგვზის ხე -J uglans regia. 3. კანფეტის ხე-ჰოვენია-Hovenia Thunb 4. ჩვეულებრივი წაბლი - Castanea sativa mill. 5. წყავი-Laurocesus. ჩამოთვლილი მცენარეები კარგად ეგუებიან ზუგდიდის ბოტანიკური ბაღის ნიადაგურ-კლიმატურ-პირობებს, რომელიც სამეგრელოს უკანასკნელი მთავრის დავით დადიანის მიერ გაშენებულ იქნა 1840 წელს, თავისი მეუღლის ეკატერინე ჭავჭავაძის პატივსაცემად. თავდაპირველად ბაღს მთავარი უვლიდა. შემდეგ კი ეს საქმე ეკატერინეს მიანდო, დედოფალი ბაღის მოვლამ ძალიან გაიტაცა. ჯერ იყო და იტალიელი მებაღე ჩამოიყვანა, მერე კი ევროპიდან ლამის ყველა ეგზოტიკური მცენარე ჩამოატანინა-რამდენიმე ეგზემპლარი საფრანგეთის მეფის, ლუი ფილიპეს ვერსალის ბაღიდანაც კი.

 ნაშრომში მოყვანილია დადიანისეული, როგორც ,,წითელ წიგნში,“ ასევე ,,გლობალურ წითელ ნუსხაში“ შეტანილი მცენარეები,  რომელიც გამოიყენება საკვებად და სამკურნალო თვალსაზრისით. აღწერილია მათი გავრცელების  არეალი, ბიო-მორფოლოგიური თავისებურებები, ქიმიური შედგენილობა და მათი გამოყენება ტრადიციულ მედიცინაში სხვადასხვა დაავადებების სამკურნალოდ.