ნიჭი, სიტყვა და გულის კულტურა (შტრიხები რევაზ შეროზიას სიტყვასთან ურთიერთობიდან)

ანოტაცია

რევაზ  შეროზია  სიტყვასთან ურთიერთობდა  მეცნიერული  კვლევებითა და მხატვრული შემოქმედებით.   ლინგვისტურ   ნაშრომებთან ერთად ქმნიდა  იგავებს,  ზღაპრებს,  მოთხრობებს.   ჩვენი კვლევის საგანია  ვრცელი  მოთხრობები:  ,,გათავისუფლებულის  ჩანაწერები“ და  ,,მარტოობის ოთახი  (ჩანახატები  ორი პოეტის ცხოვრებიდან).

 ,,გათავისუფლებულის  ჩანაწერები“ ასახავს ადამიანის  გზას წუთისოფელში, მისიას - ემსახუროს სიკეთესა და სიყვარულს. ავტორი სულიერი წვდომით ხატავს  მთავარი პერსონაჟის წუთისოფლიდან  გასვლის  ეპიზოდს;   არჩევანს- ბოროტის  (,,წირკეს“- რევაზ  შეროზია ) მორჩილებით  ამქვეყნად  ოც წელს  მიღმიერ სამყაროში  გასვლა ამჯობინოს.

,,მარტოობის ოთახი  (ჩანახატები ორი პოეტის ცხოვრებიდან)“  ეძღვნება  ნიკოლოზ ბარათაშვილსა  და შოპენს, მათი შემოქმედების  ჰარმონიას ,  ცხოვრების გზას. მნიშვნელოვანია  ავტორის გონებისმიერი  სივრცე  და გულისმიერი ხედვა.  ყურადღებას ვამახვილებთ იმაზე, რომ  რევაზ შეროზიას სიტყვისადმი დამოკიდებულების საფუძველი  ძალა,  ნიჭი  და  გულის კულტურაა, ამიტომაც  განსაკუთრებულია მისი  წერის სტილი, სიტყვაწარმოება  ემოციური,  არსისმიერი  დატვირთვის. მას აქვს  საკუთარი ენობრივი  ენერგეტიკა,  რომელსაც  ქმნის   სიტყვა, ნიჭი და  გულის  კულტურა.