თანამედროვე გამოწვევები საქართველოს განათლების სისტემაში

ანოტაცია

საქართველოს განთლების სისტემა მუდმივი  განახლება-მოდიფიცირების პროცესშია. კრიტიკული აზროვნებისა და ცოდნის პრაქტიკაში გამოყენების კომპეტენციები თანამედროვე განათლების სისტემის ერთ-ერთი მნიშვნელოვანი გამოწვევაა.  ზოგადი განათლების უმნიშვნელოვანესი საბაზისო, მარეგულირებელი დოკუმენტი  ეროვნული სასწავლო გეგმა ეტაპობრივად განიცდიდა ცვლილებებს, აღნიშნულ ეტაპებზე გაანალიზებულია, თუ  რა, როდის და როგორ უნდა განხორციელებულიყო სასწავლო პროცესი საქართველოს ზოგადსაგანმანათლებლო სკოლებში. რა გამოწვევების წინაშე იდგა სწავლა-სწავლება და საგანმანათლებლო სფერო. მნიშვნელოვანია ყურადღება გამახვილდეს  სამივე თაობის ეროვნული სასწავლო გეგმის მსგავსება-განსხვავებებზე.  დღეისათვის განსაკუთრებული ყურადღება ეთმობა უახლესს, მესამე თაობის 2018-2024 ეროვნული სასწავლო გეგმის დაწყებით საფეხურის სტრუქტურულ ანალიზს. სიახლეა ისიც, რომ ყოველღიური საგაკვეთილო დაგეგმვა ჩანაცვლდა თემატური დაგეგმვით, ყოველი თემის დამუშავება მიმდინარეობს მთელი დაწყებითი საფეხურის  განმავლობაში, სწავლების შინაარსი განისაზღვრება ამ კონკრეტულ თემასთან მიმართებაში და ყოველ საფეხურზე წარმოდგენილია ასაკობივი თავისებურებების შესაბამისი სირთულით. ახალ ესგ-ში თემა არის  ფუნქციური კონტექსტი, რომელიც სტანდარტის შედეგების, ცნებებისა თუ კონკრეტული საკითხების ინტეგრირებულად და ურთიერთდაკავშირებულად სწავლების საშუალებას იძლევა. „ახა­ლი სკო­ლის მო­დე­ლი“ გა­ნათ­ლე­ბის სის­ტე­მა­ში და­გეგ­მი­ლი რე­ფორ­მის მნიშ­ვ­ნე­ლო­ვა­ნი ნა­წი­ლია. მი­სი მი­ზა­ნია პი­როვ­ნე­ბა­ზე ორი­ენ­ტი­რე­ბუ­ლი სა­გან­მა­ნათ­ლებ­ლო გა­რე­მოს შექ­მ­ნა, რო­მე­ლიც მოს­წავ­ლეს 21-ე სა­უ­კუ­ნის რე­ა­ლო­ბის­თ­ვის სა­ჭი­რო ცოდ­ნა­სა და უნარ-ჩვე­ვებს მის­ცემს.