პოზიტიური მიდგომის მნიშვნელობა ბავშვის სოციალურ-ემოციური უნარების განვითარებისათვის

ანოტაცია

უფროსების მხრიდან პოზიტიურ მიდგომებსა და დამოკიდებულებებს უდიდესი მნიშვნელობა აქვს ბავშვის სოციალურ-ემოციური უნარების განვითარებაში. სოციალურ-ემოციური უნარების განვითარება ერთ-ერთი გამოწვევაა საქართველოს თანამედროვეობაში.

სტატიაში განხილულია ის აქტუალური საკითხები და რეკომენდაციები, რაც მნიშვნელოვნად დაეხმარება ზრდასრულებს, აღმზრდელ-პედაგოგებს, მასწავლებლებს  ბავშვებთან პოზიტიური მიდგომების ჩამოყალიბებაში.

ასევე ყურადღება გამახვილებულია ადრეული განათლების დაწესებულებებში მომუშავე სპეციალისტების კომპეტენციებზე, მათი პროფესიული გადამზადების საჭიროებაზე, ვინაიდან ბაგა-ბაღის აღმზრდელ-პედაგოგთა და სკოლის პედაგოგთა პროფესიული გადამზადების საკითხებში სოციალურ-ემოციური უნარებისა და პოზიტიური კომუნიკაციის საკითხებს მნიშვნელოვანი როლი ეკისრება.